Kadayawan 2007: Mga Kalihukan sa Kasaulogan sa Dabaw

Posted August 17, 2007 by mindanaw
Categories: Kalinaw Mindanaw, Laag mga suroy ug ang turismo sa atong dapit, Mga Panghitabo sa akong palibot

Bibo na kaayo ang Dakbayan sa Dabaw niining mga nilabay nga mga adlaw untop sa pagsaulog sa Kadayawan 2007.

Kini mao angĀ  kalendaryo sa kalihokan matud pa sa City Tourism Office:
Hudayakaan sa Kadayawan Food and Music Fiesta
August 3-19
4 PM-12 MN, NCCC Mall Parking AreaAgro Industrial Trade Fair
August 8-23
10 AM-10 PM, SM City Davao

Canon Kadayawan Photo Contest
13-19 August

Ikebana International Flower Exhibit
16-18 August
9 AM-9 PM, NCCC Mall Activity Center Read the rest of this post »

Mindanao Food Congress dinhi sa Dabaw

Posted August 14, 2007 by mindanaw
Categories: Uncategorized

Atangi ang mga pipila ka mga taho mahitungod sa ika-unom nga Mindanao Food Congress dinhi sa Dabaw. Ang panagtagbo sa mga kapin kong kulang 300 ka mga negosyante sa mga pagkaon dinhi sa Mindanao, ipasiugda sa Royal Mandaya Hotel gikan sa Agosto 15 ngadto 16.

Matud pa sa Mindanao Business Council, nga maoy tigpasiugda niini, gituyo kini nga panagtigum aron mahatagan og mga bag-ong impormasyon sa kalambuan ang mga Mindanawong negosyante sa pagkaon, aron makigdialogo sa gobyerno, ug aron ma hulma ang mga bag-ong polisiya nga haum daw sa panginahanglanon sa mga negosyante karon.

Nakatutok ang tema sa maong kalihukan sa pagpalambo pa sa hidaghanon sa ani ug sa kita diha sa pagpanguma.

Tan-awon daw nato kong wa ba naligsan ang mga hisgutanang seguridad sa pagkaon sa Mindanao. Dili kaha nga mamahimo lang kining dugang duso sa polisiya sa gobyerno nga ipalabi ang pang export na mga produkto sama sa saging labaw pa sa humay?

Tan-awong lang!

Unsang klaseng ataki sa Sulu

Posted August 12, 2007 by mindanaw
Categories: Binisaya, Kalinaw Mindanaw, Pilipino, Politika ug uban pang trapuhan

Mokapin na daw kwatro mil (4,000) ang mga sundalo nga tua sa Sulu karon tungod sa pag gukod nila sa gituohang miyembro sa Abu Sayyaf. Sa niaging semana, 25 ka sundalo ang nahagba sa dihang nagkaenkwentro ang militar ug ang mga Abu Sayyaf kuno.

Kini lahi na pud ha. Wala pa gani nakaginhawa sa kagubot didto sa Al Bharka, Basilan nibuto na pud ni. Read the rest of this post »

Abri na ang Barangay Hall

Posted August 12, 2007 by mindanaw
Categories: Binisaya, Bisdak ug uban pa!, Mga Bag-ong Tahas

Welcome sa Barangay Mindanao!

Maayong Adlaw sa Tanan! Adlawng Lunes, Agosto 13, unang adlaw sa semana.

Ipahibalo ko lang sa tanan nga sugod karon, magatikad na kining akong bag-o nga blag. Sa duha ka bulan mao kini ang namahimong balay sa BisDak Jud Online.

Ang Barangay Mindanao usa ka blog nga akong ipapatik sa lunlun nga Binisaya. Apan tungod kay daghan man ang nagkalainlain nga pinolungan sa Mindanaw, itugot ko gihapon nga kadtong mamahimong kontribyutor nganhi pwede nila magamit ang ilang kaugalingong pinulongan. Read the rest of this post »

Kagubot sa isla sa Basilan

Posted August 4, 2007 by mindanaw
Categories: Kalinaw Mindanaw, Kinabuhi, Mga Panghitabo sa akong palibot, Siryus

Bintaha kay duna na diay migawas nga resulta sa imbistigasyon mahitungod sa kagubot sa Basilan, kung hain dunay katorse ka sundalo ang gipatay sa ambush, napulo kanila gipugotan og ulo.

Kay tungod nahitabo man kato taliwala sa bangi sa mga kasundalohan sa gobyerno ug sa Moro Islamic Liberation Front didto, namahimong bug-at nga pasanon kini hilabi na sa hisgutanang kalinaw o proseso sa pangkalinaw sa duha ka grupo.

Hapit na gyud baya to naggiyera kay nagpadala naman og dugang nga mga batalyon sa mga kasundalohan didto sa isla. Ang MILF pud wa man ni uyon sa ultimatum nga gipanaug sa Armed Forces of the Philippines nga ilang i-surrender ang gidudahang nipugot sa mga sundalo. Read the rest of this post »

Ang mga langgam gikan sa Indonesia

Posted July 12, 2007 by mindanaw
Categories: Binisaya, Kinabuhi, Makalilisang!, Mga Panghitabo sa akong palibot, Siryus

Nabulabog akong hapon niadtong adlaw sa Lunes kay naulihi ko gamay sa balita nga duna kunoy mokabat 300 ka mga kalasanong langgam og mga mananap ang nakonpiska sa mga otoridad gikan sa mga tigpahutoy o smugglers.

Ang maong mga mananap gikan kuno sa nasud sa Indonesia, usa sa mga kapin kon kulang napulo ka mga nasud sa Asya nga apektado sa Avian Flu infection.

Mao kini katong sakit nga maoy hinungdan nga dili usa kaayo dapat mokaon daw og manok ang tawo kay kini mao ang dali takdan sa bayrus gikan sa sakit.

Ang maong bayrus mao kanang lusok sa gitawag nila og Highly Pathogenic Avian
Influenza (HPAI).

Matud pa sa mga imbestigador sa National Bureau of Investigation kon NBI, nailhan ang mga tigpayuhot nga gi pangulohan ni Mike Artucilla, 37, nga sulod na sa duha ka tuig sige og balik-balik didto sa isla sa Halmajira, Indonesia. Didto kuno nioya kini nakuha. Read the rest of this post »

Mantalaang lokal sa pinulongang Binisaya

Posted July 3, 2007 by mindanaw
Categories: Binisaya, Bisdak ug uban pa!, Mga Bag-ong Tahas

Dugay ko na kining gipangandoy. Hinaut nga buwas damlag maangkon na nako kini nga tinguha.

Kinsa ba ang interesado nga mo uban nako ini nga tahas? Hali, uban ta og kuyugi ko sa akongĀ  paninguha.


Follow

Get every new post delivered to your Inbox.