[ Sa among dapit ]
Luna kini alang sa mga taho o mga hisgutanan sa atong tagsa-tagsa ka kasilinganan. Ipadayag ang inyong mga huna-huna mahitungod sa nagkalain-laing panghitabo sa inyong dapit.
Ang inyong pagpadayag usa na ka lakang aron mahaw-as og mapahibalo ang maong hisgutanan. Sa atong pagbinay-loay og huna-huna basin makakita kita og mga ideya unsaon pagtumbok niining nga mga hisgutanan.
Salamat!
August 15, 2007 at 11:43 pm
Suguran ko kani.
Isa sa mga pinaka anindot nga tanawon sa among Barangay sa Kalasungay, didto sa Dakbayan sa Malaybalay mao ang Mt. Kitanglad Range And Natural Park.
Hilabi na kong buntag, hastang nindota gyud nga tanawon ang maong kabukiran.
Ang Kitanglad mao ang pinaka dako nga talan-awon sa Bukidnon. Matud pa sa mga Talaandig uf uban pang tribu, kinabuhi nila ang maong Bukid kay sakop man kini sa ilahang yutang kabilin.
Duna nay mga lakang ang Protected Area Management Board o PAMB aron e-develop ang maong parke, pero una niini mao ang pagprotektar sa kalasangan og mga tanum og mananap didto.
Hinaut maging malampuson ang maong mga lakang aron pud nga ang mga planong kaayohan pamaagi sa turismo ma plastar og ayo tapad sa paninguha nga ma protektahan ang kinaiyahan sa maong dapit.
Gikan sa among gamay nga payag sa Kalasungay, adlaw adlaw namong makitan ang Kitanglad isip simbolo sa Bukidnon og sa mga tawo sa maong lalawigan.