Bibo na kaayo ang Dakbayan sa Dabaw niining mga nilabay nga mga adlaw untop sa pagsaulog sa Kadayawan 2007.

Kini mao ang  kalendaryo sa kalihokan matud pa sa City Tourism Office:
Hudayakaan sa Kadayawan Food and Music Fiesta
August 3-19
4 PM-12 MN, NCCC Mall Parking AreaAgro Industrial Trade Fair
August 8-23
10 AM-10 PM, SM City Davao

Canon Kadayawan Photo Contest
13-19 August

Ikebana International Flower Exhibit
16-18 August
9 AM-9 PM, NCCC Mall Activity Center

5-Stag Derby
15-18 August
Aquino Coliseum, Cabaguio Avenue

- Daily Events –

08 August
Mass (4 PM, San Pedro Catheral)

Kadayawan sa Dabaw Festival Formal Opening (5:30 PM, Centennial Park)

08-10 August
Mango Festival (9 AM-6 PM, NCCC Mall Activity Center)

09 August
Davao Association of Colleges and Schools Cultural Presentation (8 AM- 12 NN, Rizal Park)
DepEd Cultural Presentation (1-5 PM, Rizal Park)
Tingog Kadayawan World Music Festival (6-9 PM, Centennial Park)

10 August
Cultural Celebration: Tagabawa Tribe (8 AM-5 PM, Rizal Park)

10-12 August
2nd Mindanao Travel and Tour Exposition (10 AM-9 PM, SM City Davao)
Traveller’s Cup Open Shooting Competition (8 AM-5 PM, Gold Cup Shooting Range)

11 August
Cultural Celebration: Ovu-Manuvu Tribe (8 AM-5 PM, Rizal Park)

12 August
Cultural Celebration: K’lagan Tribe (8 AM-5 PM, Rizal Park)
Jollibee Davao Fun Run (5 AM, NCCC Mall Parking Area)
Flight of the Eagles Caravan for Environment (7 AM, assembly area: Magsaysay Park)

13 August
Cultural Celebration: Tausug Tribe (8 AM-5 PM, Rizal Park)
Kadayawan Fiesta Bazaar ‘07 (10 AM-12 MN, Davao Convention and Trade Center)

14 August
Cultural Celebration: Sama Tribe (8 AM-5 PM, Rizal Park)

14-15 August
3rd Waling-waling Cup – Floral Arrangement Workshop & Competition (Waterfront Insular Hotel)

15 August
Cultural Celebration: Maguindanao Tribe (8 AM-5 PM, Rizal Park)
Indigenous Peoples’ Food, Craft and Literature Festival (IIPE Grounds, Marfori Heights)

15-16 August
Sayaw Mindanaw – Isang Pagpupugay (8 AM-5 PM, CAP Auditorium)

16-17 August
Sayaw Mindanaw – Isang Pagpupugay (6 PM-9 PM, NCCC Mall Activity Center)

16 August
Cultural Celebration: Maranao Tribe (8 AM-5 PM, Rizal Park)
Davao River Festival (8 AM-5 PM, Davao Riverfront)
Forum on Indigenous Peoples’ Education (Grand Men Seng Hotel)

17 August
Cultural Celebration: Ata Tribe (8 AM-5 PM, Rizal Park)
Durian Festival Opening (LandCo Compound)
Performing Dabaw: Homage to Home-grown Artists (CAP Auditorium)
Republic of Davao: The Reggae Combo (8 PM, RMC Gym)
SK Midnight Fun Run (9 PM-12 MN, assembly area: SM City Davao Car Park B3)

17-18 August
MEDSA Mayor’s Cup – An Invitational Golf Tournament

17-19 August
1st National Dog Ultimate Challenge (Damosa Gateway, Market Basket)

18 August
Indak-indak sa Kadalanan (8 AM onwards, Major Thoroughfares)
Daghang Salamat Dabaw! An NCCC Kadayawan Celebration (NCCC Mall Activity Area)

19 August
Floral Float Parade (8 AM-12 NN, Major Thoroughfares)

Post-Kadayawan Activities:
21-25 August
LUMAD: Celebrating Indigenous Wisdom and Creativity (2nd Indigenous Peoples’ Visual Art Show and Auction) – (NCCC Mall)

30 August-02 September
Trade Exhibit – Organized by the Peace and Equity Foundation Launching the Badjau products of Basilan

Atangi ang mga pipila ka mga taho mahitungod sa ika-unom nga Mindanao Food Congress dinhi sa Dabaw. Ang panagtagbo sa mga kapin kong kulang 300 ka mga negosyante sa mga pagkaon dinhi sa Mindanao, ipasiugda sa Royal Mandaya Hotel gikan sa Agosto 15 ngadto 16.

Matud pa sa Mindanao Business Council, nga maoy tigpasiugda niini, gituyo kini nga panagtigum aron mahatagan og mga bag-ong impormasyon sa kalambuan ang mga Mindanawong negosyante sa pagkaon, aron makigdialogo sa gobyerno, ug aron ma hulma ang mga bag-ong polisiya nga haum daw sa panginahanglanon sa mga negosyante karon.

Nakatutok ang tema sa maong kalihukan sa pagpalambo pa sa hidaghanon sa ani ug sa kita diha sa pagpanguma.

Tan-awon daw nato kong wa ba naligsan ang mga hisgutanang seguridad sa pagkaon sa Mindanao. Dili kaha nga mamahimo lang kining dugang duso sa polisiya sa gobyerno nga ipalabi ang pang export na mga produkto sama sa saging labaw pa sa humay?

Tan-awong lang!

Mokapin na daw kwatro mil (4,000) ang mga sundalo nga tua sa Sulu karon tungod sa pag gukod nila sa gituohang miyembro sa Abu Sayyaf. Sa niaging semana, 25 ka sundalo ang nahagba sa dihang nagkaenkwentro ang militar ug ang mga Abu Sayyaf kuno.

Kini lahi na pud ha. Wala pa gani nakaginhawa sa kagubot didto sa Al Bharka, Basilan nibuto na pud ni.

Nimando na si Presidente Arroyo nga dal-on na sa Zamboanga City ang uluhan sa Philippine Army apil ang hepe nila didto na gipabase.

Kung Abu Sayyaf ang kontra dili ba dapat katong elite nga mga kahugpungan sa militar ang ipadala didto?

Usa pa ka pangutana, paano naila nga Abu Sayyaf ang namahimong kontra sa Sulu? Basin man gud daw kung lahi nga grupo.

Duna’y uban nga nagduda nga gigamit kuno kini aron maka kuha dugang hinabang pinansiyal alang sa Department of Defense? Mao ba?

Dili ba kaha nga ang ginapagawas nga mensahe ini nga nia diri ang kauluhan sa army tungod kay niabot na ang gikahadlokang giyera? Unsang klase nga “primacy of the peace process” kana?

Hinaut dili unta giyera ang naa sa hunahuna sa uban.

Welcome sa Barangay Mindanao!

Maayong Adlaw sa Tanan! Adlawng Lunes, Agosto 13, unang adlaw sa semana.

Ipahibalo ko lang sa tanan nga sugod karon, magatikad na kining akong bag-o nga blag. Sa duha ka bulan mao kini ang namahimong balay sa BisDak Jud Online.

Ang Barangay Mindanao usa ka blog nga akong ipapatik sa lunlun nga Binisaya. Apan tungod kay daghan man ang nagkalainlain nga pinolungan sa Mindanaw, itugot ko gihapon nga kadtong mamahimong kontribyutor nganhi pwede nila magamit ang ilang kaugalingong pinulongan. Sa laktod nga pagkasulat, pwede ko modawat og mga kontribyutor apan kadtong didto nagsumikad sa lain-laing mga komunidad/ barangay sa Mindanao.

Pinaagi niini, tagaan unta og tingog sa kahawanang blogosphere ang mga taga-baryo og tabangan sila nga magtukod og ilang kaugalingon nga blog. Paningkamutan ko pud nga mahubad ang pipila ka mga hisgutan, konsepto, balita o kaha ideya ngadto sa panumdumang inato.

Habog kini nga tinguha apan akong sulayan — ubanan sa inyong tabang tanan. Daghang Salamat!

Bintaha kay duna na diay migawas nga resulta sa imbistigasyon mahitungod sa kagubot sa Basilan, kung hain dunay katorse ka sundalo ang gipatay sa ambush, napulo kanila gipugotan og ulo.

Kay tungod nahitabo man kato taliwala sa bangi sa mga kasundalohan sa gobyerno ug sa Moro Islamic Liberation Front didto, namahimong bug-at nga pasanon kini hilabi na sa hisgutanang kalinaw o proseso sa pangkalinaw sa duha ka grupo.

Hapit na gyud baya to naggiyera kay nagpadala naman og dugang nga mga batalyon sa mga kasundalohan didto sa isla. Ang MILF pud wa man ni uyon sa ultimatum nga gipanaug sa Armed Forces of the Philippines nga ilang i-surrender ang gidudahang nipugot sa mga sundalo.

Maayo na lang kay duna kitay mekanismo sa hunong butohay (ceasefire mechanism) nga maoy nipasiugda sa imbestigasyon giubanan sa mga Bantay Ceasefire ug International Monitoring Team kon IMT.

Migawas nga Abu Sayyaf ang nipugot sa ulo, dunay sayop ang AFP sa dihang nisulod sila sa kampo sa MILF nga wala nakigsabot sa CCCH kon komiteba nga gisakopan sa GRP ug MILF alang sa paghunong sa armadong panagbangi (Joint Coordinating Committee on the Cessation of Hostilities).

Karon lang adlawa migawas sa mga mantalaang basi sa Manila nga niangkon kuno ang AFP nga nasayop ang ilang pagradyo.

Daghan pa siguro ang namahimong resulta sa maong pagimbestiga apan daghan niini wala pa mapagawas sa publiko kay dunay proseso ginasunod ang duha ka grupo isip pagrespeto sa ilahang mga nakasabutan na sa una.

Hinaut lang nga daghang mga pagtulun-an ang nakutlo sa matag grupo niining masakit nga kaagi, dili ba?

Dili na unta kini mahitabo pagusab hilabi na nga gamay lang nga kinaskasan sa kabaryohan mamahimo na kining babag sa tiunay nga kalinaw sa Mindanao.

Nabulabog akong hapon niadtong adlaw sa Lunes kay naulihi ko gamay sa balita nga duna kunoy mokabat 300 ka mga kalasanong langgam og mga mananap ang nakonpiska sa mga otoridad gikan sa mga tigpahutoy o smugglers.

Ang maong mga mananap gikan kuno sa nasud sa Indonesia, usa sa mga kapin kon kulang napulo ka mga nasud sa Asya nga apektado sa Avian Flu infection.

Mao kini katong sakit nga maoy hinungdan nga dili usa kaayo dapat mokaon daw og manok ang tawo kay kini mao ang dali takdan sa bayrus gikan sa sakit.

Ang maong bayrus mao kanang lusok sa gitawag nila og Highly Pathogenic Avian
Influenza (HPAI).

Matud pa sa mga imbestigador sa National Bureau of Investigation kon NBI, nailhan ang mga tigpayuhot nga gi pangulohan ni Mike Artucilla, 37, nga sulod na sa duha ka tuig sige og balik-balik didto sa isla sa Halmajira, Indonesia. Didto kuno nioya kini nakuha.

Kasuhan kuno sa mga otoridad gikan sa NBI ug DENR ang maong tigpayuhot uban ang iyang mga kauban sa negosyo, apil ang ang usa ka Indon nga nailhan sa ngalang Randy Mandumi.

Mokabat 281 ka mga langgam sa lain-laing klase ang nasikop og kay tungod gikan kuno kini sa Indonesia nga dunay daghang gikataho nganangamatay sa Avian Flu mi-desisyon ang mga taga Department of Agriculture nga ipapatay ang mga mananap gamit oang carbon dioxide una ipasunog gamit ang mga incinerator.

Nahimong ligon kuno ang desisyon sa mga otoridad kay ila kunong gihunahuna ang seguridad apil na ang safety sa mgakatawhan batok sa sakit, hilabi na ang dakong negosyo sa manok sa Mindanao.

Gisunog na dayon ang mga mananap, kasagaran ato mga parrot, bisan wala pa kini napamatud-an kung positibo ba gayud sa Avian Flu.

Apan dunay wa mo-uyon sa maong gibuhat. Gikwestion sa grupong Indonesian Parrot Project didto sa Kakatuwa, Indonesia ang maong lakang.

Duna kuno kini mga implikasyon sa syiensya og sa etika. Dunay daghang pangutana ang ilahang pangulo nga si Dr. Stewart Metz nga misuwat niini nga komentary didto sa MindaNews.com.

Apan matud pa sa mga otoridad sa DENR nga kabahin sa Task Force Avian Flu, gibuhat lang daw nila ilang trabaho nga ipatuman ang mga balaod sa Pilipinas kabahin sa paano likayan ang Avian Flu.

Samtang nahimo nang abo ang mga laggam, ang pangutana nagpabilin gihapon.

Protektado ba gayud kita sa maong sakit bisan pa man sa atong balaud ngasunogan diha-diha dayon apil ang mgakalasanong langgam ?

Dugay ko na kining gipangandoy. Hinaut nga buwas damlag maangkon na nako kini nga tinguha.

Kinsa ba ang interesado nga mo uban nako ini nga tahas? Hali, uban ta og kuyugi ko sa akong  paninguha.

Hianut duna moy maayong buntag karon labi nanga sugod na ang ulan ulan unya padulong kita sa bag-ong termino sa mga lokal nga pangagamhanan sa tibuok Pilipinas.

Dili baya nga apektado kaayo ta kung kinsa ang naka lingkod> pero diba sila ang maoy mangulo sa atong tags tagsa ka dapit?

Mangape nalang sa ta ui. Sa makausa pa maayong buntag higala! Hinaut magawas awas ang atong mga grasya karong adlawa!

Jubert: Nganong maghimo man daw ka og blog nga Binisaya nga wa may mobasa ana? Usa pa, ikaw nga Inglisero kaayo mag Binisaya? Wa ka kuyapi?

Froi: Maglibog ka ana. Dapat mopili ka og isa sa duha ka pinulongan aron maoy imong bansayon. Dili pwede ang duha.

Ana: Ah, ka taas gud nimo og oras sa internet kay duha man ang imong blog?

Nagkalain-lain ang pasiunang mga reaksyon gikan sa akong mga kaila sa dihang akong gipaila-ila nila kining akong Binisaya nga blog.

Isa-isahon ko una kini pagtubag aron nga maklaro pud nako ang akong mga tinguha.

Jubert, aron ka masayod, daghan gustong mobasa ug sinuwat nga nakapatik sa Binisaya. Daghan ang interesado sa maong pinulongan nga motugpa pud sa internet, labi na katong dugay na wala nakagamit niini.

Siguro dili sama nimo nga usa ka 27 anyos nga sige lang og suroy-suroy sa bisan asang minahan apan wa pa gihapon kabalo unsa ang Binisaya sa “bad trip.” Binuang ra doy ha, ayaw unya kasuko nako.

Ang masa, isip usa ka ehemplo, mao’y sige og basa sa Binisaya kay bisan og daghang mga Pinoy ang makamao mobasa ug moistorya sa Iningles, daghan pa gihapon og mga pulong nga dili masabtan. Sama nalang anang mga pulong nga “good governance” unsa na, labi na kung dili nila makit-an sa ilang palibot.

Unsa man kaha tuyuon lang gyud aron malibog? Aron kaha  sayon lang sa kung kinsa ang naa sa taas o sa gahum? Sama atong hearing sa kaso sa usa ka korte, perte gyud ka Iningles sa Huwes, ipahubad ra man diay niya sa usa ka interpreter aron masabtan sa testigo ang iyang pangutana.

Moingon na unya na ang katawhan nga: “Unsa ba! Nagsunggo na ko!”

Naa bay mobasa sa internet? Duna pud ui! Susiha ra gud ning mga ni paathag sa ilang komentaryo didto sa akong usa ka blog.  (Basaha ni). Dunay nagkaanam og kadaghan nga mga propisyunal nga nakasabot ngano kinahanglan dili itago sa aparador ang Binisaya kung moabot na gani ang Tagalog o kaha ang Ingles.

Sabagay pila ba ang mga sinuwat nga nakamantala sa Binisaya sa atong palibot? Naay pipila sama sa Bisaya magasin o kaha ang mantalaang Super Balita sa Sun-Star.

Unya Bert ug Froi, sa akong pagpili nga magbuhat pud og blog nga Binisaya dili nagapasabot biyaan ko na ang akong trabaho isip usa ka reporter sa mantalaang nagapatik lang sa Ingles. Para nako, ang tanan dili lang mahitungod sa kung unsa imong trabaho kon dili apil pa gyud kung kinsa ka og unsa imong gusto.
Bisdak ko og dili maayo para nako nga maayo akong pagbansay sa pinulongang langyaw unya manghiwi nalang ko kong makadungog o makabasa ko ug Binisaya.

Para nako dili kinahanglan biyaan nimo ang usa aron nimo mabansay ang isa.

Busa bitaw nga igsoon kung Ana, pwede man nako tungaon akong oras sa pagblog sa Istambay sa Mindanao, nga nakapatik sa Ingles ug kining akong Binisaya nga blog.

Dili lang ko gusto nga taman lang sa balay ug sa dalan ang Binisaya kay sa tinuod lang, ang atong pagila sa kaugalingong pinulongan kabahin gihapon kini kung kinsa gyud ug unsa kita nga klase nga pagkatao.

Niabot na usab ang panahon sa tagulan. Basa na pud pirmi ang palibot. Tungod kay sige man og ulan, dili pirmi makit-an si Haring Adlaw sa kalangitan.

Ang resulta niini daghang kausaban sa atong paagi sa pagpangabuhi. Hinuon dili gyud mas grabe ikumpara didto sa naga isnow sama sa Amerika.

Sama na lang sa atong mga sanina nga suoton. Kay bugnaw man ang panahon, medyo mas baga siguro nga klase sa panapton ang angayan nga sulobon. Sa pagpaagi sa pagpanglaba, mausab gyud kay kinahanglan maabtikon ka sa pagapas sa talagsaon nga init aron mauga.

Labi na gyud ni sama nako nga labandero sa akong kaugalingon. Kung ulan-ulan, sa tanang butang kinahanglan abtik ug maro sab kuno ka, sugyot pa nila.

Ganahan pud kaayo ko mangape ron tungod kay tugnaw lagi, iyawat nalang magpainit sa lawas og kontra katulgon.

Na ako pa nga lamian kaayo matulog pag medyo katulgon pa pud ang adlaw. Kinsa guy dili no?

Pero sa tinuod lang, mas ganahan ko magtrabaho kung ang panahon sama karon nga landong, naay ulan ulan og bugnaw ang palibot. Daghan ko ug mahuman nga trabaho basta in-aron. Ambot ngano.

Pwera lang magbagyo o kaha baha labi na diri sa dakbayan sa Dabaw nga wa pa intawon na human ang mga dagkong tubig-kanal.

Gahi ra ba kaayo ko ug ulo kay di gyud ko modala ug payong! Bahala daw mabasa, basta samukan lang ko.

Sa una abi nako tungod lang kay abi nako pambabae ang payong. Pastilan, sige man gud ko makalimot nga naa koy dala nga dili tapot sa lawas. Kasagaran malimtan gyud nako na.

Pasalamat na lang pud ko kay kining akong trabaho pwede ra buhaton sa ilalum sa atop. Pasayloon lang gyud ko sa mga bai nga sa gawas gyud ilang bulohaton sama sa mga trabahante sa konstraksyon o kaha maguuma ug mangingisda.

Ui! Kabalo diay ko, lami kaayo mag labing labing kung tingulan diba? Usa pa, marag makakalma sa huna huna. Lami pud magehersisyo, labi na katong pwede ra buhaton sa sulod sama sa mag gym ba kaha o mga isports.

Kung ting ulan sama karon unsa pa bay mga mauso, ha?