Unsang klaseng ataki sa Sulu

Mokapin na daw kwatro mil (4,000) ang mga sundalo nga tua sa Sulu karon tungod sa pag gukod nila sa gituohang miyembro sa Abu Sayyaf. Sa niaging semana, 25 ka sundalo ang nahagba sa dihang nagkaenkwentro ang militar ug ang mga Abu Sayyaf kuno.

Kini lahi na pud ha. Wala pa gani nakaginhawa sa kagubot didto sa Al Bharka, Basilan nibuto na pud ni.

Nimando na si Presidente Arroyo nga dal-on na sa Zamboanga City ang uluhan sa Philippine Army apil ang hepe nila didto na gipabase.

Kung Abu Sayyaf ang kontra dili ba dapat katong elite nga mga kahugpungan sa militar ang ipadala didto?

Usa pa ka pangutana, paano naila nga Abu Sayyaf ang namahimong kontra sa Sulu? Basin man gud daw kung lahi nga grupo.

Duna’y uban nga nagduda nga gigamit kuno kini aron maka kuha dugang hinabang pinansiyal alang sa Department of Defense? Mao ba?

Dili ba kaha nga ang ginapagawas nga mensahe ini nga nia diri ang kauluhan sa army tungod kay niabot na ang gikahadlokang giyera? Unsang klase nga “primacy of the peace process” kana?

Hinaut dili unta giyera ang naa sa hunahuna sa uban.

Explore posts in the same categories: Binisaya, Kalinaw Mindanaw, Pilipino, Politika ug uban pang trapuhan