Kasohi nalang ko ninyo – Bedol

Kangilngig gyud ni Bedol noh? Matud pa niya sa iyang pakig-hinabi sa usa ka reporter didto sa Dakbayan sa Cotabato, “Mahigugmaon kung tawo,” sa dihang iyang gipamakak nga gigamit daw niya ang iyang dala-dala nga pistola sama sa Magnum .35, ug uban pa sa pagpusil bisan sa iyang depensa. Wala gyud daw sukad. Na hala.

Ang kontrobersiyal nga si Lintang Bedol mao ang superbaysor sa Comelec didto sa probinsiya sa Maguindanao, kung hain dunay kasamok ug pagduda nga bibo kuno ang nilimbunga didto sa niaging pinili-ay.Giangkon ni Bedol nga kung ikaw politiko didto sa ilang dapit, dapat kuno nga naa kay mga pusil, mga armadong sakop, ug kwarta.

Perte pud ang hagit ni Bedol nga pasakaan na lang kuno siya og kaso sa iyang mga kritiko aron iya kining matubag. Kayati no? Pero bitaw, hain naman tong mga pipila ka mga opisyales ug mga grupo nga gikulata ug ayo si Bedol sa media, sige daw nganong dili man mo mokasa?

Pero bag-o ko malimot, daghan pa gyud kaayo og dapat isay-say kining tawhana sa katawhan nga maoy nagsuweldo kaniya isip usa ka opisyales sa Comelec.

Unta adunay imbestigasyon nga pagabuhaton ang ahensiya sa Comelec aron kini makatag gyud, dili ba? Nganong adto pa man sa korte? Unsa man diay iyang gikahadlokan? Duna ba siya’y gitago?

Aron sa dugang detalyi, pwede pud basahon ang katibuk-an nga taho sa Inquirer.net.

Explore posts in the same categories: Makalilisang!, Mga Panghitabo sa akong palibot, Politika ug uban pang trapuhan